الشعب العربي

يا شعب عايش طول عمره صامت من يوم مل دبت فيك حضارة

تقوم حريقة تقوم مصايب و انا برضه شايفك لسا صامت

يا شعب ساذج مليان غباوة بتصدق كلمة أي عابر

يقول معانا يقول معاهم ماهو أنت ساذج و هو قادر.

أخذت منك صمتك غباوتك و فوق ده كله كمان سذاجتك

مبقتش قادر مبقتش عارف إزاي أعبر أنا عن قضيتي

إزاي أقول أنا عن أخويا اللي ميت في بلد أفريقي

و تيجي تاني و تقول لي تاني ده كنا أحنا و هم كانوا

و برده أقولك بلاش غباوة و بص تاني لكنا مين،

شوف هم بيقيوا و أحنا كنا دي فجوة وسعت و كنت فين؟

لما التاريخ وقفت أقلامه عند أحنا كنا أول تاريخ

و بعده وقفت كل جهودنا و قلنا نقعد نخبز فطير

يا خيبة حطت عليك يا وطني و علي كل وطني زيك فقير

ياشعب عايش للفقر دايماً و الغني فيك أفقر فقير

الشباب المصرى

شببنا مصري أصيل و عصري و تكنولوجي بدون كلام

في نت فاهم، تشات تلاقي شباب مثالي مفيش كلام

العم توتو: نقول عيوبوا!!

و فين عيوبوا يا عم توتو؟؟

دا شباب رياضي فالكرة هاوي و صحة أه دايماً حديد !!

يا عم توتو ما قلنا قبله شباب مثالي، شببنا رائع مفيش كلام

شببنا ماشي ع الموضة دايماً يواكب أحسن الدفليهات

العم توتو: نقول سفهتو !!

يا عم توتو شببنا عصري يموت و يجري علي تكنولوجيا المعلومات

دي شبكة ثالثة تدينا فرصة نشوف و نعرف ال video call

و N series و سوني أريكسون و شببنا واعي لا مش سفيه

يا عم توتو قول عن شببنا كلام عظيم،

دا شباب لا يعرف يمسك سيجارة ولا يحشش جوان صغير

دا شباب مثالي قدوة لعيالي، شباب يشرف شباب عظيم